# 5.1.3. ອົງປະກອບຂໍ້ມູນ ແລະ ຕາຕະລາງການຈັດປະເພດ

GeoPrism Registry ສຸມໃສ່ຂໍ້ມູນທັງໝົດທີ່ຊ່ວຍໃຫ້ສາມາດກຳນົດສະພາບການສ່ວນຂໍ້ມູນໃນພື້ນທີ່ ແລະ ເວລາ. ມັນມີຄວາມໝາຍໃນການຈັດການກັບອົງປະກອບຂໍ້ມູນຄື:

1. ເອກະລັກສະເພາະ,
2. ຈັດປະເພດ,
3. ສະຖານທີ່, ແລະ
4. ເມື່ອນຳໃຊ້, ຕິດຕໍ່

ແຕ່ລະວັດຖຸທາງພູມິສາດຈະປະກອບດ້ວຍ (ຊຸດຂອງອົງປະກອບຂໍ້ມູນເອີ້ນວ່າ ໂດເມນຫຼັກ (signature domain); ເບິ່ງ [Health Facility Technical Working Group (2007)](https://www.measureevaluation.org/resources/publications/wp-07-91.html)). ລາຍການດັ່ງກ່າວຈະເຈາະຈົງກັບແຕ່ລະປະເພດຂອງວັດຖຸພູມິສາດທີ່ເປັນຫຼັກຢູ່ເທິງແພັດຟອມ.

ປະເພດຂອງອົງປະກອບຂໍ້ມູນອື່ນໆ, ລວມທັງການດໍາເນີນໂຄງການ (ເຊັ່ນ: ສະຖິຕິ), ບໍ່ເຄື່ອນທີ່ຈະຖືກຈັດເກັບຢູ່ໃນ GeoPrism Registry ແຕ່ຢູ່ໃນລະບົບຂໍ້ມູນ, ຫຼື ຂະແໜງ, ລະບົບຂໍ້ມູນຂ່າວສານສະເພາະ. ເຫດຜົນເບື້ອງຫຼັງນີ້ແມ່ນຄວາມອ່ອນໄຫວທາງດ້ານຂໍ້ມູນທີ່ເຊື່ອມໂຍງກັບຂໍ້ມູນໂປແກມ, ຄວາມແຕກຕ່າງຂອງການເຊື່ອມໂຍງລະຫວ່າງຂໍ້ມູນປະເພດນີ້ ແລະ ວັດຖຸພູມິສາດທີ່ຂໍ້ມູນເຊື່ອມຕໍ່ຢູ່, ເຊັ່ນດຽວກັນກັບຄວາມແຕກຕ່າງໃນການຄວບຄຸມມິຕິຂອງເວລາ. (ເຊັ່ນ: ຄວາມຖືກຕ້ອງຊົ່ວຄາວຂອງສະຖິຕິອາດຈະແຕກຕ່າງຈາກຄວາມຖືກຕ້ອງຊົ່ວຄາວຂອງວັດຖຸພູມtສາດທີ່ມັນເຊື່ອມຕໍ່ຢູ່). ນອກຈາກນັ້ນ, ການຈັດການອົງປະກອບຂໍ້ມູນເຫຼົ່ານີ້ ໃນລະບົບອື່ນໆຊ່ວຍໃຫ້ໂປແກມໄດ້ຮັບຜົນປະໂຫຍດຈາກຄວາມສາມາດການເຮັດວຽກທີ່ບໍ່ມີຢູ່ໃນ Registry, ລວມທັງແຕ່ບໍ່ຈໍາກັດຢູ່ໃນແຕ່ການຮວບຮວມຂໍ້ມູນ, ການວິເຄາະສະຖິຕິ, ຫຼື ການເບິ່ງເຫັນ (ກຣາຟ, ແຜນທີ່ສະເພາະ).

ການກໍານົດອົງປະກອບຂໍ້ມູນທີ່ຈະເຊື່ອມໂຍງກັບແຕ່ລະວັດຖຸທີ່ຕັ້ງພູມtສາດ ແລະ ເກັບຮັກສາໄວ້ໃນ GeoPrism Registry ຄວນເປັນສ່ວນໜຶ່ງຂອງຂະບວນການທີ່ກ່ຽວຂ້ອງກັບຜູ້ທີ່ກ່ຽວຂ້ອງທັງໝົດ. ຜົນໄດ້ຮັບແມ່ນວັດຈະນານຸກົມຂໍ້ມູນທີ່ມີຂໍ້ມູນສໍາລັບແຕ່ລະອົງປະກອບຂໍ້ມູນທີ່ເລືອກ (ຕົວຢ່າງ ຂອງລາຍການຕົ້ນສະບັບຂອງສຸກສາລາແມ່ນນໍາສະເໜີໃນ ເອກະສານຊ້ອນທ້າຍ 2 ຂອງ [Ebener (2022)](https://healthgeolab.net/DOCUMENTS/Guidance_Common_Geo-registry_Ve2.pdf)):

* ລະຫັດອົງປະກອບຂໍ້ມູນທີ່ຖືກປະຕິບັດຢູ່ໃນ GeoPrism Registry
* ຄຳອະທິບາຍສັ້ນໆຂອງອົງປະກອບຂໍ້ມູນ
* ປະເພດອົງປະກອບຂໍ້ມູນ
* ຂະໜາດຂອງອົງປະກອບຂໍ້ມູນ (ຈໍານວນໜ່ວຍເກັບຂໍ້ມູນ)
* ບໍ່ວ່າອົງປະກອບຂໍ້ມູນຈະຖືກພິຈາລະນາເປັນຂໍ້ມູນບັງຄັບໃນເວລາທີ່ຖືກເພີ່ມໃສ່ໃນລາຍການຕົ້ນສະບັບ

ຕົວຢ່າງ, ບົດບັນທຶກ, ແລະ ແຫຼ່ງທີ່ມາ (ການອ້າງອີງ), ເມື່ອໃຊ້ໄດ້, ຂອງແຕ່ລະອົງປະກອບຂໍ້ມູນສາມາດຖືກເພີ່ມໃສ່ຂໍ້ມູນຂ້າງເທິງຖ້າມັນສາມາດຊ່ວຍໃຫ້ຜູ້ຮັບຜິດຊອບໃນການຈັກການເນື້ອຫາຂອງ GeoPrism Registry ແລະ ຜູ້ໃຊ້ ໃຫ້ມີຄວາມເຂົ້າໃຈຊັດເຈນກ່ຽວກັບແຕ່ລະອົງປະກອບຂໍ້ມູນ. ຕາຕະລາງການຈັດປະເພດ ຍັງຈໍາເປັນຕ້ອງໄດ້ຖືກກໍານົດສະເພາະຂອງແຕ່ລະອົງປະກອບຂໍ້ມູນເມື່ອຄ່າຂໍ້ມູນຖືກ ຈໍາກັດໃນຕົວເລືອກຈຳນວນໜຶ່ງເພື່ອຊ່ວຍຮັບປະກັນໃຫ້ເກີດຄວາມສອດຄ່ອງໃນທົ່ວບົດບັນທຶກ, ຕົວຢ່າງ, ປະເພດ, ຄວາມເປັນເຈົ້າຂອງ, ແລະ ອື່ນໆ. ຕາຕະລາງດັ່ງກ່າວ ຢ່າງໜ້ອຍຄວນຈະມີທາງເລືອກດັ່ງຕໍ່ໄປນີ້: ລະຫັດສະເພາະ, ປ້າຍກຳກັບ (ພາສາອັງກິດ ແລະ ພາສາທ້ອງຖິ່ນ) ແລະ/ຫຼື ຕົວຫຍໍ້, ຄຳອະທິບາຍ (ພາສາອັງກິດ ແລະ ພາສາທ້ອງຖິ່ນ), ແລະ ແຫຼ່ງທີ່ມາຂອງຄຳນິຍາມຖ້າມີ. ຕາຕະລາງຕໍ່ໄປນີ້ຍົກຕົວຢ່າງຂອງຕາຕະລາງການຈັດປະເພດສໍາລັບປະເພດສຸກສາລາໃນປະເທດກຳປູເຈຍຕາມໂຄງສ້າງນີ້:

<table><thead><tr><th width="190">ລະຫັດປະເພດສຸກສາລາ</th><th width="78">ຕົວຫຍໍ້</th><th>ປະເພດສຸກສາລາໃນພາສາອັງກິດ</th><th>ປະເພດສຸກສາລາໃນພາສາ Khmer</th><th>ຄໍານິຍາມ</th><th>ທີ່ມາຂອງຄໍານິຍາມ</th></tr></thead><tbody><tr><td>6</td><td>NH</td><td>National Hospital</td><td></td><td>ສຸກສາລາທີ່ໃຊ້ໃນການຝຶກອົບຮົມບຸກຄະລາກອນສາທາລະນະສຸກ ແລະ ເຮັດການຄົ້ນຄວ້າວິໄຈ, ເພີ່ມເຕີມຈາກການຈັດການການບໍລິການສົ່ງຕໍ່ເຖິງແພດສະເພາະທາງ.</td><td>ດັດແກ້ຈາກກະຊວງສາທາລະນະສຸກ, ປະເທດກຳປູເຈຍ (1998): <em>Guide for developing operational districts</em></td></tr><tr><td>5</td><td>PH</td><td>Provincial Hospital</td><td></td><td>ສຸກສາລາພາຍໃຕ້ການບໍລິຫານ ແລະ ເບິ່ງແຍງຂອງວິຊາການຂອງພະແນກສາທາລະນະສຸກແຂວງ. ໃນແຜນປະກັນສຸຂະພາບ, ໂຮງໝໍແຂວງເຮັດໜ້າທີ່ເປັນໂຮງໝໍສົ່ງຕໍ່ຂັ້ນເມືອງ ແລະ ຍັງສະໜອງຊຸດກິດຈະກຳຟຣີ Complimentary Package of Activities (CPA).</td><td>ດັດແກ້ຈາກກະຊວງສາທາລະນະສຸກ, ປະເທດກຳປູເຈຍ (1998): <em>Guide for developing operational districts</em></td></tr><tr><td>4</td><td>RH</td><td>Referral Hospital</td><td></td><td>ສຸກສາລາທີ່ໃຫ້ບໍລິການ CPA.</td><td>ດັດແກ້ຈາກກະຊວງສາທາລະນະສຸກ, ປະເທດກຳປູເຈຍ (1998): <em>Guide for developing operational districts</em></td></tr><tr><td>3</td><td>HC/B</td><td>Health Center with Beds</td><td></td><td>ສຸກສາລາທີ່ໃຫ້ການເບິ່ງແຍງສຸຂະພາບຂັ້ນຕົ້ນໂດຍຜ່ານຊຸດກິດຈະກໍາຂັ້ນຕ່ຳ Minimum Package of Activities (MPA) ແລະ ມີຕຽງນອນສໍາລັບຄົນເຈັບ.</td><td>ດັດແກ້ຈາກກະຊວງສາທາລະນະສຸກ, ປະເທດກຳປູເຈຍ (1998): <em>Guide for developing operational districts</em></td></tr><tr><td>2</td><td>HC</td><td>Health Center</td><td></td><td>ສຸກສາລາທີ່ໃຫ້ການເບິ່ງແຍງສຸຂະພາບຂັ້ນຕົ້ນຜ່ານ MPA.</td><td>ດັດແກ້ຈາກກະຊວງສາທາລະນະສຸກ, ປະເທດກຳປູເຈຍ (1998): <em>Guide for developing operational districts</em></td></tr><tr><td>1</td><td>HP</td><td>Health Post</td><td></td><td>ສຸກສາລາແມ່ນຕັ້ງຢູ່ໃນເຂດຫ່າງໄກສອກຫຼີກ ແລະ ເປັນຈຸດຕໍ່າສຸດໃນລະບົບສາທາລະນະສຸກເມືອງ, ດັ່ງນັ້ນຈຶ່ງເປັນຈຸດທຳອິດຂອງການຕິດຕໍ່ກັບປະຊາກອນໃນແຂວງທີ່ມີຄວາມໜາແໜ້ນຕໍ່າ.</td><td>ດັດແກ້ຈາກກະຊວງສາທາລະນະສຸກ, ປະເທດກຳປູເຈຍ (1998): <em>Guide for developing operational districts</em></td></tr></tbody></table>